لمراء في الحاضر والجاهلية..
الصفاء بريس:قصيدة زجلية لعبد الحي نافعي
لمر زمان كانت مقموعة أو محضوضة بين الحيطان
إلى قرات أو خدمات إيعيب عليها الصحيح أو العيان
فعاهد الإستعمار فرنسا تتطالب إقراو النسوان
الساع الولدين كانوا متشبثين بالأصول أو ما كان هادشي فالحسبان
فعاهد الحسن بدات المراء التحرك فكل مكان
بدينا اسمعوا هذه الطبيبة هذه مهندسة أو هذه فالطيران
منظمات نسائية جميعها اتجندات منجزات في جميع البلدان
والي فالدار كافحات اوعاونات لنا شبان
او المثقفات والإداريات اجتهدت أوقبطات كراسي فالحكومة أو البرلمان
مغربنا اليوم صبحت المراء ركن من أركان
من بعد خطب سيدنا فقبة البرلمان
خرج المدونة من الإعتقال أو صبحت لمرا فاعلا شان
نعطيكم مثال من نساء كافحت أوربات هذا الزمان
ها شقروني ها بادو ها العاصمي ها نوال أو فدوى طوقان
سياسية رياضية ثقافية فنية أو نائبة فالبرلمان
سارعت الرجل قهرت معاه القمم والطغيان
عمر الفرق ما يكون بين المرا والرجل كلنا في الميزان
ولي كال لمراء عندها دور فهاد الزمان
غادي ابقى ديما فالخسران